Ampëz, nten grán valon ulache ntamez cor l Ru Boite, dintourn via l é prèi e bosć che rua fin sot i brić dei monc che ié fesc da cornisc: le Tofane, l Cristallo, l Sorapis, la Croda Rossa, la Croda da Lago e le Cinque Torri.
Ven a vijité l paisc, che l pò se vanté de na stòria de mile e mile agn, turisć da dut l mondo per la belëza del paesagio, per le tánte ativité e manifestazion sportive, per l'aria plena de vita dei locai del zentro, per l'elegánza de le boteighe, l bon mangé dei restoranc e l cortejëol tratament de chi che da l'albièrch.
D'invièrn e d'isté Ampëz l à très vèlch da ofrì a duc cánc, no damé a chi che ie plèsc jì coi schi.

Par el mè paes - Cortina

de Clelia Franceschi, dal liber “Ra poesies de Clelia Franceschi”

Vorae un soneto
ben fato, ben scrito
ciantà ben polito
par el mè paes! 

Vorae coi fiore
me fei 'na garlanda
e betera franda
sul nòsc cianpanin!

Vorae di alòlo,
al sol da bonora
nó vienesto adòra
par el mè paes?

Vorae coi òce
me toi chel zeleste
e ancora con chiste
vardà el mè paes!

Vorae dì al gnée
coscita bel bianco
fesc tu nafré santo
nafré el mè paes!

Vorae speranza
da chesto bèl verde
par ci che ra perde
inze'l mè paes!

Vorae si dreta
intorno a ra cròdes
par fei tomà ròbes
ma pienes d'amor!