Ampezo l é n pais sentà nte na val ulà che ntamez passa l Boite e che é sarada via da prai e bosch che i rua fin ai piéi de le bele mont che fas da corona, le Tofane , l Cristalo, l Sorapis,  la Croda Rossa, la Croda da Lago e le Cinque Torri.
L pais à na storia longia e che và cotant indarè ntel temp, l ven vijità da jent de dut l mondo per la sua beleza, per le tante atività e manifestaziogn  che ven fate, per i locai a la moda, i negozi eleganti e i alberghi de lusso.
Ampezo à valch da dà sia d’istà che d’invar e no domà a chi che và coi schi.

Par el mè paes - Cortina

de Clelia Franceschi, ciot fora dal liber “Ra poesies de Clelia Franceschi”

Vorae un soneto
ben fato, ben scrito
ciantà ben polito
par el mè paes! 

Vorae coi fiore
me fei 'na garlanda
e betera franda
sul nòsc cianpanin!

Vorae di alòlo,
al sol da bonora
nó vienesto adòra
par el mè paes?

Vorae coi òce
me toi chel zeleste
e ancora con chiste
vardà el mè paes!

Vorae dì al gnée
coscita bel bianco
fesc tu nafré santo
nafré el mè paes!

Vorae speranza
da chesto bèl verde
par ci che ra perde
inze'l mè paes!

Vorae si dreta
intorno a ra cròdes
par fei tomà ròbes
ma pienes d'amor!