L Istitut Cultural Ladin "Cesa de Jan", n colaborazion col Service de Planificazion y Elaborazion dl lengaz ladin (SPELL) volù da l'Union Generela dei Ladins dla Dolomites e auna a pràteghi del luoch, organisa ògni ann dei còrši de agiornament e formazion sul lengaz ladin:
Per le scòle
L Istitut laora n colaborazion co le scòle elementère de Cortina d'Ampëz, Fodom e Sëlva de Ciadoure (per i tosac de Còl) per mëte a jì de le ativité da podei fè a scòla col aiut dei maestri e de le ativité per fè cugnësce ai tosac l mondo ladin ence dal de fòra:
- nsegné le "materie curriculari" n ladin;
- mëte a jì ativité de teáter, de mujica e de ciancion n ladin;
- publiché libri per tosac n ladin;
- organisé vijite che ciala a le realté del luoch: mujei, luosc carateristeghi e al "parco naturale".
Per la publica aministrazion
L Istitut promuof na ativité de formazion per chi che laora ntei enc publici del luoch. Chisc còrši i ven fac per mtroduje l bilinguism ntei Comuns.Còrši e encontade i sièrf per la formazion del personal e dei aministradous publici coji da fè arvejiné la jent del luoch al lengaz ladin:
- mëte a jì Ufizi Ladins ntei trei Comuns de Ampëz, Còl e Fodom;
- mëte a jì i rpojeti scric ite la Lege n. 482/99 a favour de le ativité publiche dei Comuns ladins;
- formazion de glossari sui tiemegn tecnici-aministrativi n ladin
- mëte ju dei moduli publici n ladin per ofrì serviji n plu a la jent del luoch;
- traduzion n ladin de documenc e ati de l'aministrazion
Per la jent
I còrši i é ndirizèi a la popolazion dei trei Comuns, a chi che descor l ladin ma ence a chi che ncora nol sà. L Istitut l organisa doi desferenti tipi de còrši:
- còrši per mparé l ladin ampezán;
- n grop de jent che laora per unifiché la scritura ampezána;
- còrši de scritura del ladin fodom e ampezán.
Còrs per chi che laora nte la publica aministrazion: ann 2005
Còrs per chi che laora nte la publica aministrazion : ann 2007/08
Vijita al vegle mulin de Codalongia (Còl) - Scolina de Sëlva de Ciadoure
Vijita ai luoch de la pruma guèra mondial - Jou de Fauzare
Vijita al Parco de le Regole de Ampëz - Scòla elementèra de S.Fosca