Col, ‘l é un paes pitosc pizo che ‘l se ciata inze ‘l cuore de ra Dolomites intrà el Pelmo, el Zieta, el Pore, ‘l Noolou Outo e el Noolou. Ra tradizios e i valore i é ancora tropo sentude da ra so śente. Ra vita de Col ra se spartisce soralduto intrà doi laore: el turismo e ‘l lourà inze i cianpe, senpre precurando ra natura, ancora parona, duta intor Col.
Ra pasc, ‘na vista che ‘l é algo de bel, ‘na storia e de ra tradizios es fesc deentà Col un paes stimà da dute chi che i sà bela ra nostra crodes.

Col l é propio bél

de Luigia Lezuo, tirà fora dal libro "T es bel Kol dagnora"

Col l é propio l pi bel posto
che dintor chilò se ciate:
on ste crode cuasi fate
per defende nost paìs.

Den gran Col é su la zima
bel content che l l'abe arjonta
e le cese le se imponta
con i grif e coi rampogn.

Fora in zima l'é la gesia
sot na cupola turchina
e intor via l'é la curtina
ulà che paussa i puore morc.

Chi da Col i fà e i laora
per tirà sto puore vive:
lori i ara e sia ste rive
per sansoni e n goz de lat.

Ma intor via l'é dut che cénta,
biei guziei e tanc de fuori
e d'istà vian incia i siori
a se gode dut sto bel.

E i se lassa propio i voge
sun ste crode bele rosse
e soméa che degugn posse
i mostrà valch de pi bel.

Duc po bat le magn e i centa
e po i scraia e i se la gode
e i sà propio cuasi sode
che incia noi no fon compagn.

Noi sion stai usai inveze
a vardà nte soz e tase
e tason se valch ne piase:
se l godon demà ntel cuor.

Ma vignì mo jent ne ota!
Vignì a Col se volé vede
e disé a chi che no créde
che nost Col é n bel paìs.