‘L Istitut Cultural Ladin “Cesa de Jan”, aduna con ‘l ufizio de pianificazion linguistica de ra Union Generela de i Ladins dla Dolomites e de parsones del posto che s’intende de ra parlada e del saé ladin, dute i ane el bete pede lezios e corse su chesta cuestion:

Par ra scores

Se laora aduna a ra scores popolares de Anpezo, Fodom e Selva (par i pize da Col) con laore, portade inaante dai maestre inze e fora ra scora, par parmete ai pize de conosce el mondo ladin e duto chel che i à intorno.

• Lezios a scora par ladin
• Teatro, canto e muśica par ladin
• Publicazios de stories e scrite par i pize par ladin
• Vijites par i nostre paesc: musee e parco naturale

Par ra publica aministrazion

‘L Istituto el propone corse par paricià i lourantes dei entes del posto a dorà da ca inaante el bilinguismo inze i laore dei comune. I corse i vien fate con chera de fei pensà sora e de paricià el parsonal e i aministratore su ra cuestion:

• I é stade daerte tre ufizie ladis, un par comun, che i laora aduna ’l istituto
• Śi drio a ra leje 482/99 par i laore dei comune ladis
• Pensà sora e fei un vocabolario par ladin che el see tecnico e leà al mondo de ra aministrazion
• Paricià boletis, cartes e outre servizie par ra śente
• Voltà par ladin scrite e cartes de ra aministrazion

Par ra śente

I corse i vien fate soralduto par ra śente del posto (dei tre comune), tanto par ci che parla ladin come par ci che el no ‘l sà. Donca ‘l Istituto el propone corse diferentes:

• Corse par inparà a parlà anpezan
• Boze de laoro con chera de rende pi garia ra grafia anpezana
• Corse par scrie par fodom e par anpezan