L'Istitut Cultural Ladin "Cesa de Jan", in colaborazione con l Ufize de Pianificazion Linguistica de la Union Generela dei Ladins dla Dolomites e di esperc del luoch, met a ji ogni an cors de formazion linguistica ladina:

Per le scole

Se laora in colaborazion con le scole elementari de Ampezo, Vinaulonch e Selva (per i tosac de Col) con atività fate nte la scola dai maestri e con proposte fate al de fòra de la scola per inconsentì ai tosac de cugnesse meo la realtà che i à apede ju

• Insegnament de le materie “curricolari” in ladin
• Atività de teatro, canto e musica in ladin
• Publicaziogn de liber per i tosac pi picui in ladin
• Visite sul teritorio: musei, luoch de particolar interes e parco naturale

Per la publica aministrazion

L Istitut promuof na atività de formazion per i dipendenc dei enti locai, con l’intenzion de podè n doman ntroduse l bilinguismo nte le atività dei Comugn. Cors e incontri spezifizi ven mitui a ji per la formazion del personal e dei aministrador de la publica aministrazion:

• Istituzion de Ufizi ladign ntei trei Comugn de Col, Fodom e Ampez
• Coche se pol duorà la Lege n. 482/99 nte le publiche atività dei Comugn ladign
• Formazion de glossari tecnici e aministratif per ladin
• Injegnament de moduli e auter servije per la jent
• Traduziogn de documenc e ati amministratif

Per la jent

I cors i è indirizai soraldut a la popolazion dei tre Comugn, sia chi che descor ladin sia per chi che no l descor. L Istitut met a ji  desferenc tipi de cors:

• Cors per imparà l ladin ampezan
• Grop  de laor per la normalizazion de la grafia ampezana
• Cors de scritura per ladin

Cors per i dipendenc de la aministrazion publica : an 2005

 

Cors per i dipendenc de la aministrazion publica : agn 2007/08

 

Vijita al vege mulin de Codalongia (Col) - Scolina de Selva de Ciadore

Vijita ai luoch de la prima guera mondial - jof de Fauzare

Vijita al Parco de le Regole de Ampez - scola elementare de S.Fosca