Fodom l é n pais da mont, con tante picole fraziogn,intamez la natura, e con intor un dei pi biei panorami de le Dolomiti: davat l Zuita, da na banda la Marmolada e con darè via l  Boè. D’invar Araba deventa n centro per ji coi schi de prima importanza, colegà al Giro dei Quater Passi o Sellaronda e incia sede de l’ARPAV, Centro Valanghe davant fòra nte la cura del teritorio e del studio nivo-meteorologico. Le bele e vege ruine del Ciastel de Andraz e l Col di Lana, mont ulaché é stade combatude nvalgune de le pì burte batalie de la prima guera mondial, costituis la testimonianza de la storia de sta bela val.

de Sergio Masarei, ciot fora dal liber “Rime Sauride - rime fodome de scola, de fantajia, de ciantia, de mudamenc, de bloc scentimenc”

 

I disc che t'es pico,
t'es ërt 
e t'es puoro,
ma plu che te ciale,
te studie
e te abade,
me dighe che très
ti t'es el plu bel.

I disc che n planura
l é vita,
l é jent,
ma mi co ié rue
e i'ossièrve
l tinton
me pense
che meio
i é le tue mont.

Sebenche autrò
l é sciti comoc,
mi che te veighe
con animo frisc
me preie
de vive
con ti n paradisc.