I Ladign i é na popolazion minoritara che stà ntel cuor de le Dolomiti, slargei fòra nte 5 vai: Gardena, Badia, Fassa, Vinaulonch con Col e Ampez e anter trèi provinzie Bolzan ( Gardena e Badia), Trent ( Fassa), Belum (Vinaulonch, Col e Ampez).

Sta popolazion descor n lengaz che à bù suo nasse cotant indarè ntel temp, ogni Val descor n desferent lengaz ma duc i pol se ricugnesse nten medemo descore, l ladin.
L ladin dolomitan l é n grop de lengaz “neolatini” su per ju compagn e decoresć da zirca 30.000 persone nte la part  oriental de le Alpi, e l à da ci vede con en pì grant sistema de lengaz che l pèa via da la Svizra  (grigioni - grijogn) e che l rua  fin al Friul e l ciol ite in dut zirca 700.000 persone.
La parola ladin s’à slargé fòra a pèe via da la seconda metà del 1800 ntel ambient todesch per definì la jent liada al Tirolo.
La Region Veneto promuof, co la lege regional n. 73 del 23.12.1994, l mantignì, l recupero e la valorizazion de dute le testimonianze storiche, che lia la jent a suoi pais, inanter cheste incia la jent ladina.
La lege nazional taliana promuof la tutela de na desversità de mendranze de lengaz e, anter dute, incia la mendranza ladina con la lege 482 del 1999, le autre mendranze tutelade: albanese, catalana, todessa, gréca, slovena, croata, francese, franco provenzal, furlana, ocitana e sarda.

Per cugnesse meo la storia e la cultura ladina:
"Vejin - vicino sconosciuto".