I Ladis ‘l é śente che vive inze ‘l cuore de ra Dolomites, inze ra zinches valades de Gardena, Badia, Fascia, Fodom con Col e Anpezo. R’é spartides in tre diferentes provinzies: Bolśan (Badia e Gardena), Trento (Fascia) e Belun ( Fodom, Col e Anpezo).

I Ladis ‘l é śente che vive inze ‘l cuore de ra Dolomites, inze ra zinches valades de Gardena, Badia, Fascia, Fodom con Col e Anpezo. R’é spartides in tre diferentes provinzies: Bolśan (Badia e Gardena), Trento (Fascia) e Belun ( Fodom, Col e Anpezo).
Chesta śente r’à ‘na parlada de vecia memoria. Intrà ra vales ra canbia ‘na fré e ra ciapa algo del posto, ma in dut’i caje se parla senpre ladin.
El ladin de ra Dolomites ‘l é, donca, betù insieme da pi parlades neolatines che intrà de eres ‘s se somea de chel poco e che ‘s vien parlades suposò da 30000 parsones che vive inze ra banda orientale de r’Alpes. El ladin el tol parte a un pi gran sistema de parlades che el se slarga fora da ra Svizera (Canton dei Grijioni) al Friuli e che bete de meśo suposò 700000 parsones par duto.
Ra parola ladin r’à scomenzà a ciapà canpo intor al secondo meśo de ‘l XIX secolo, gouja che i todesche i aea scomenzà a menzonà coscita chera śente che na fré areota ra deentaa senpre pi leada al Tirolo.
‘Na leje de ra Rejon del Veneto ra parmete de proteje, de ciatà, de mantegnì e de dà valor a duto chel che lea ra śente al so paes e chesto val anche par i ladis (Leje de ra Rejon N. 73 de ‘l 23.12.1994).
Ra śente ladina, par ra leje del goerno n. 482 del 99, r’é ‘na minoranza linguistica che r’é da proteje aduna a dute chi che parla par albaneje, par todesco, par greco, par sloveno, par croato, par franzeje, par franco-provenzal, par furlan, par ocitan e par sardo.

Par conosce meo ra storia e el saé ladin se pó vardà el sito

"Vejin - vicino sconosciuto".