Na rizerca fata sui teritori ladins da Nadio Dellai e Mauro Marcantoni metuda ju ntel liber "Identità & sviluppo - Le minoranze ladine pensano il proprio futuro" l'à demostré che "un'identità forte e radicata come è quella ladina, immediatamente identificabile da una lingua, da una cultura e da una storia orgogliosamente custodite e professate, non può passare in sottordine anche nei ragionamenti che interessano l'economia e lo sviluppo complessivo dei territori coinvolti".

Chëst l fèsc capì che se pò douré dute chële richëze a disposizion dei teritori ladins da mont, ntra chëste l'economia dei paisc auna a l'identité de la comunité. L'identité difati no n é n valour oramèi passé, ma l'é n valour da arvejené al moderno, l'é na richëza n plu e spò l'é da la valorizé per no fè pièrde la cultura de la jent ladina, l'é da la svilupé e la fè cugnësce ence per le generazion che vignarà.
L'identité l'é na richëza mportánte ence per l turismo, setor economich che oramèi l à suo peis nte le comunité ladine; al di da ncuoi la cultura ladina la deventa n'atrazion en plù per l turista che vòl cugnësce e i vòl fè pèrt, ence per puoch temp, de na realté minoritaria, caraterizada da na comunité tánt liada auna e tánt stòlza de la sua diveršité.

La jent ladina l'à mossa nvestì su chëste richëze che, se metude auna e laorade via ben, le pò porté n gran svilup de dut l teritor che tòl ite l'economia, la jent, la cultura e l'identité.