Na enressida fata sui teritori ladign da Nadio Dellai e Mauro Marcantoni l’à mitù in evidenza, ntel liber "Identità & sviluppo - Le minoranze ladine pensano il proprio futuro" che na identità forte e con sue rais che và indarè ntel temp come chela ladina, che se pol delongo ricugnesse ntel lengaz, da na cultura, e da na storia  che la jent custodis e porta inavant, no la pòl ester lassada da na banda ntei rajonamenc che à da ci vede co l’economia e l svilup de duc sti teritori. "Un'identità forte e radicata come è quella ladina, immediatamente identificabile da una lingua, da una cultura e da una storia orgogliosamente custodite e professate, non può passare in sottordine anche nei ragionamenti che interessano l'economia e lo sviluppo complessivo dei territori coinvolti".
Sto tant vol di che bogna duorà dut chel che l é a disposizion ntei teritori da mont ladign, vol mete auna economia e identità.
L’identità no pol pi ester viduda come n valch da zacan ma l’à da ester pazenada ite co la modernità, l’à da ester duorada come n valch in pi e donca valorizada incia per no fà parde, a chi che vignarà darè, l patrimonio de cultura de la comunità ladina.
L’identità l’é na risorsa incia per l turismo, oramai deventà motor de la economia de le comunità ladine, la cultura defato deventa na atrazion in pì per l turista che vol passà n frègo de temp e cugnesse de pì na comunità minoritara, fièra de sua desversità, come chela ladina.
La comunità ladina à da investì sun ste risorse che, mitude auna a de autre, pol portà a svilupà l teritorio e a lié nten dut un l’economia, la cultura, l’identità e la jent.