Un outro laoro portà inaante dal istituto ‘l é chel de lourà aduna a ra gaśetes par proà a bete in śiro scrite e stories par ladin. Da ca inaante vien betù śo alcuanta de chesta gaśetes:

Stanpa

• La Usc di Ladins, gaśeta par ladin de ra Union Generela di Ladins dles Dolomites che vien fora una ota in setemana
• Voci di Cortina, gaśeta curada dal Comitato Civico de Anpezo che vien fora una ota al mes
• Il Gazzettino di Belluno, gaśeta che vien fora dute i dis, con pajines par ladin duta ra setemanes
• Corriere delle Alpi, gaśeta che vien fora dute i dis, con pajines par ladin duta ra setemanes

Radio

• Radio 3 RAI, trasmisios e notiziarie anche par ladin su ra frequenzes de ra Provinzia di Bolśan
• Radio Cortina, radio de Anpezo che ra se sente inze duta ra provinzia, con trasmisios leades al mondo ladin e un notiziario che vien fato na ota in setemana da scotà on line
• Radio Più, radio del Agordin con noes su Fodom e Col.
• Radio Piave, radio de Belun che ra se sente in duta ra provinzia
• Radio Gherdeina, radio de ra Gardena con trasmisios par ladin

Television

• Rai 3 Ladina, television che ra se vede in duta ra rejon con notiziarie par ladin, trasmisios sul di d’ancuoi e sul saé e outre servizie sui laore del istituto
• Antenna 3 Veneto, television che se vede in duta ra rejon con momente che se dedica al mondo ladin e ai laore del istituto.