L statut del Istitut l perveiga:

• la valorisazion e promozion del'identité ladina: lengaz, stòria, cultura, toponomastica, tradizion;
• n colaborazion co le istituzion de la scòla e de l'université l atuazion de projeti per sostegnì e promuove l ladin scrit e descorëst;
• ncentivé l douré l ladin descorëst e scrit n colaborazion co le aministrazion publiche e le scòle;
• tò su e tignì dacont duc i documenc, materiai e libri su la stòria, la cultura, l'economia, l lengaz, l folklor, miti e lejende, uji e costumi de la jent ladina.

L Istitut l laora n colaborazion co i autri istituc per la cultura ladina:

• “Majogn di Fascegn” de la Val de Fascia
• “Micurà de Ru” de le Val de Gherdëna e Badia
• “Istituto Ladin de la Dolomites” de le Val neoladine de la Provinzia di Belum

L'ativité l'é bajada sul mëte a jì na sfèra de projeti de valorisazion del lengaz e de la cultura, finanzièi ence da la Lege n.482 del 1999, "Norme in materia di tutela delle minoranze linguistiche storiche".