El laoro ‘l é chel de ciatà fora dute i gnomes dei luoghe, leade a ra tera, ignante che i vade par senpre pardude. El recordo e el saé dei pi vece ‘l é chel che parmete che duto chesto el no vade par senpre desmenteà. Chesto laoro ‘l é de seguro un dei pi biei che ‘l istituto el vó portà inaante par mantegnì o par sentì da noo de ese tacade al propio paes, ai propie bosche e a ra crodes. Chesto laoro el vien portà inaante in doa modes:

Tabeles par ra strades

Con chesto projeto, loudà da ra leje 482/99,‘l é stà scomenzà na fré areota a comedà fora ra tabeles par ra strades: al gnon del luo par talian ‘l é stà śontà pede chel par ladin. I tre comune de Anpezo Fodom e Col i à dia ‘na bona man par podé fei chesto laoro che dinprin someaa che ‘l aese da s‘el fei ‘l istituto da so posta.

Microtoponomastica

Se laora drio anche a un outro bel projeto: un atlante toponomastico dei tre comune de Col, Anpezo e Fodom. Se vó tirà su e ciatà fora dai libre e dai recorde dei pi vece i gnomes dei luoghe, par dapò bete duto chesto sul computer con el sistema GIS.
Fin ades ‘l é stà betù aduna 4000 gnomes par i tre comune ma el laoro ‘l é ancora longo…