L recuperà,l mantignì e l valorizà i inom dei luoch in ladin, l’é una de le atività pi interessanti portade inavant dal Istitut e la permet de no parde l savè de nuos vege. L recupero dei inom dei luoch permet de tignì vif l liam anter la jent e l teritorio da mont e ven tignù in pé n sentiment de rispet e de valorizazion de chel che l é stat davant via, sentiment che fas part de la cultura ladina.
L laor sun la toponomastica l và inavant nte doi manière:

Tabelazion stradal
In grazia dei contribuc bui da la Lege 482/99 s’à zafié a pèe via col laor de mudà fòra le tabele stradai e arjonje a l’inom talian incia l’inom ladin dei luoch. L laor l pol ji inavant ades co la colaborazion de le trei aministraziogn de Ampez, Col e Fodom e nte calche an se sararà via del dut.

Microtoponomastica

L Istitut à mitù in cantièr n laor per la realizazion de n Atlante Toponomastico dei trei Comugn. Per ruà a sto tant vignarà fat n laor de enressida dei inom dei luoch, de fotografia e de trascrizion del savè de nuos vege, l dut vignarà dapó laurà fòra col computer.

L laor fat fin ades a permetù de mete auna zirca 4.000 inom de luoch, ma se va inavant....

E' in corso di elaborazione un atlante toponomastico dei tre Comuni di Colle Santa Lucia, Cortina d'Ampezzo e Livinallongo del Col di Lana. L'attività di raccolta bibliografica dei toponimi viene affiancata a quelle di documentazione fotografica e di trascrizione del sapere orale delle persone anziane. Il lavoro viene poi informatizzato con l'uso di strumenti GIS specifici.
Il lavoro ha permesso di raccogliere finora circa 4.000 nomi di località all'interno delle tre realtà comunali ed è ancora in corso...